Nyu-York – Bakı aviareysinin sərnişinlərinə xoş xəbər

Nyu-York – Bakı aviareysinin sərnişinləri Azərbaycan vizasını ölkəyə çatdıqdan sonra Heydər Əliyev Beynəlxalq Hava Limanında ala biləcəklər.Oxu.Az-ın məlumatına görə, bu barədə Azərbaycanın ABŞ-dakı səfirliyi xəbər yayıb.“Azərbaycan Hava Yolları”nın həyata keçirdiyi aviareyslərin sərnişinləri Bakıya gəldikdə Azərbaycan Xarici İşlər Nazirliyinin Heydər Əliyev beynəlxalq hava limanındakı konsulluq şöbəsində birdəfəlik, qısamüddətli (30 günə qədər) viza əldə edə biləcəklər.Xatırladaq ki, Bakı – Nyu-York - Bakı birbaşa aviareysləri bu il sentyabrın 24-dən həyata keçirilir.ANN.Az