Ermənistanın qarşısına şərt qoyuldu

Ermənistanın Bakı-Tbilisi-Qars dəmir yolu xəttinə qoşulması məsələsi yalnız Dağlıq Qarabağ münaqişəsinin nizamlanmasından sonra mümkün ola bilər.

Oxu.Az xəbər verir ki, bu barədə jurnalistlərə “Azərbaycan Dəmir Yolları” QSC-nin rəhbəri Arif Əsgərov bildirib.A.Əsgərovun sözlərinə görə, hazırda bu layihəyə Ermənistandan başqa istənilən digər bir ölkə qoşula bilər.Xatırladaq ki, bir müddət əvvəl Qazaxıstan və Əfqanıstan BTQ layihəsinə qoşulmaqda maraqlı olduqlarını bildirmişdilər.  Qeyd edək ki, Gürcüstan, Azərbaycan və Türkiyə dəmir yolu dəhlizinin yaradılmasına dair hökumətlərarası sazişi 2007-ci il fevralın 7-də imzalayıblar.Layihəyə 68 kilometri Türkiyə, 30 kilometri isə Gürcüstan ərazisindən keçəcək 98 kilometr uzunluğunda Qars-Axalkalaki dəmir yolunun tikintisi, həmçinin Gürcüstanda 183 kilometrlik Axalkalaki-Tbilisi hissəsinin yenidən qurulması daxildir. Gürcüstan hissəsinin tikintisi bu ölkəyə, ümumilikdə, 775 milyon dollar məbləğində iki güzəştli kredit ayırmış Azərbaycan tərəfindən maliyyələşdirilir.Bu ilin sonunadək BTQ dəmir yolu ilə Türkiyə sərhədinədək ilk işçi qatarın yola salınması nəzərdə tutulur. Ümumiyyətlə, bu nəqliyyat dəhlizinin 2015-ci ilin ikinci yarısında tam istifadəyə verilməsi planlaşdırılır.ANN.Az