"AccessBank"ın depozit portfeli 500 mln. manatı ötüb
29.01.2019 17:45
Bankın aktivləri isə 900 mln. manata çatır.
"AccessBank" 2018-ci ilin yekunlarına dair maliyyə hesabatını açıqlayıb.
2019-cu ilin yanvarın 1-nə bankın aktivləri 878,688 mln. manata çatıb ki, bu da illik 33,867 mln. manat artımdan xəbər verir. 2018-ci ilin III rübü ilə müqayisədə isə sonuncu rübdə bankın aktivləri 42,232 mln. manat artıb.
"AccessBank"ın kredit portfeli il ərzində 7,7% və ya 38,985 mln. manat, sonuncu rübdə isə 24,010 mln. manat artaraq 542,488 mln. manata çatıb.
Bankın depozit portfeli 101,323 mln. manat və ya 25,3% artaraq 501,138 mln. manat təşkil edib. Rüblük artım isə 37,113 mln. manat olub. Şübhəsiz ki, bu, müştərilər tərəfindən banka göstərilən yüksək etimadın göstəricisidir.
Dekabrın sonuna ani likvidlik əmsalı 79,5% təşkil edir ki, bu da normadan 2,65 dəfə çoxdur.
Hesabat dövründə bankın gəlirləri 27,315 mln. manat təşkil edib.
Maliyyə göstəricilərini şərh edən "AccessBank"ın İdarə Heyətinin sədri Anar Həsənov bildirib: "Əsas biznes göstəricilərinin ciddi artım nümayiş etdirməsi sübut edir ki, bankın yeni inkişaf mərhələsinə qədəm qoyması artıq öz bəhrələrini verir. Menecment bu artım dinamikasının tendensiya xarakteri alacağına əmindir. Başqa sözlə, bankın əsas missiyaları sırasına mikro, kiçik və orta sahibkarlığın partnyoru olaraq qalmaq, o cümlədən bu sahələrin inkişafında aktiv iştirak etməkdir. Bu baxımdan bankın kapitallaşması da mühüm rol oynanır. Qeyd edim ki, hazırda bu proses yekunlaşmaq üzrədir. "AccessBank" 2019-cu ilə yeni hədəflərlə daxil olub və inanıram ki, güclü komandamız və hər zaman bizə etimad göstərən müştərilərimiz sayəsində hər bir hədəfə nail olacağıq".
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
