Dollar kreditləri ilə bağlı yeni xəbər - “Vətəndaşlara dəymiş ziyanı...” - VİDEO

Xəbər verdiyimiz kimi, ötən gün Milli Məclisin plenar iclasında deputat Vahid Əhmədov Prezident İlham Əliyevdən əhalinin dollarla kredit borclarına diqqət yetirməsini xahiş edib. Bununla da problemli kreditlərlə bağlı məsələ bir daha gündəmə gəlib.

Mövzu ilə bağlı müraciət etdiyimiz iqtisadçı ekspert Nazim Bəydəmirli Yenicag.az-a dollarla kredit borclarından əziyyət çəkən insanların köməyə ehtiyacı olduğunu bildirib:

"Vətəndaşlara dəymiş ziyanı əvəzləmək üçün həm Dövlət Neft Fondunun pulundan, həm də Mərkəzi Bankın ehtiyatlarından aşağı faizlə və uzunmüddətli depozitlər verilməlidir”.

Ekspert hələ devalvasiyadan qabaq insanların aldadıldığına diqqət çəkib:

"Hesab edirəm ki, bu problemlərin qaynaqlanması fors-major şəraitdə olub. Mülki Məcəlləyə görə məsuliyyətin çoxunu əslində, Mərkəzi Bank daşımalıydı. Çox təəssüf ki, Kostitusiya Məhkəməsi belə qərar qəbul etdi və bankların tərəfini tutdu”.