"AccessBank"-a yeni icraçı direktor təyin olunub
29.05.2020 03:01
"AccessBank"-ın rəhbərliyində yeni təyinat baş verib.
Anews.az xəbər verir ki, Günay Cəlilova bankın icraçı direktoru təyin olunub. Həmin vəzifədə xanım bankir Korporativ bankçılıq və Marketinq departamentlərini, o cümlədən Müştərilərlə Əlaqə Mərkəzini kurasiya edəcək.
Qeyd edək ki, bu təyinatadək Günay Cəlilova Marketinq/Korporativ bankçılıq departamentinin direktoru olub.
Günay Cəlilova 2006-ci ildən etibarən "AccessBank"-ın komandasına qoşulub. 2008-2016-cı illər ərzində "Səbail" filialının, 2016-cı ildən 2019-cu ilin aprel ayınadək isə Korporativ bankçılıq/Marketinq departamentinin direktoru kimi fəaliyyət göstərib.
Azərbaycan Dövlət İqtisad Universitetinin "Maliyyə" fakültəsini bitirən G.Cəlilova ardınca eyni ali təhsil ocağında "Maliyyə və kredit" ixtisası üzrə magistr dərəcəsinə yiyələnib. Bundan başqa, icraçı direktor İngiltərənin "Warwick" biznes məktəbini "Executive MBA" istiqaməti üzrə bitirib.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
