Bakıda çoxfunksiyalı mərkəzlər yaradılacaq

“Böyük Bakının Regional İnkişaf Planı” layihəsi üzrə (sxemi) bütün qəsəbə tipli inzibati vahidlərin ərazilərində klub tipli və çoxfunksiyalı mərkəzlərin yaradılması nəzərdə tutulur.

ANN.Az AzərTAc-a istinadən xəbər verir ki, bu barədə layihənin əlaqələndiricisi, Bakı Dövlət Layihə İnstitutunun direktoru İlqar İsbatov məlumat verib.Bildirilib ki, Böyük Bakı ərazisində turizm zonaları ilə yanaşı, tarixi yerlər, ziyarətgahlar, təbii-ekoloji ərazilər üzrə turistik marşrutların təşkili təklif olunur.Bundan əlavə, yerlərdə yeni tələb olunan ixtisaslar üzrə texniki-peşə ixtisas məktəblərinin yaradılması və məktəbli düşərgələri ənənəsinin bərpa edilməsi kimi məsələlər də layihədə öz əksini tapıb.Layihə müəllifləri həmçinin hesab edirlər ki, idman-sağlamlıq qurğuları hər bir yaşayış məskənində olmalıdır.Ümumilikdə isə sosial aktivliyin mərkəzlə yanaşı, əyalətlərdə də təmin edilməsi və bu istiqamətdə görülən tədbirlərin iqtisadi, infrastruktur, ərazi planlaşdırılması məsələləri ilə əlaqələndirilməsi nəzərdə tutulur.ANN.Az