I rübdə Energetika Nazirliyinin Çağrı Mərkəzinə 548 müraciət daxil olub

Anews.az xəbər verir ki, müraciətlər əsasən, elektrik enerjisi və qaz təchizatı məsələlərini əhatə edib. Bunların 153-ü enerji təchizatı, 200-ü qaz təchizatı, 9-u elektrik və qaz sayğaclarının quraşdırılması, 7-i istilik sisteminə qoşulma, 26-ı isə digər məsələlərlə bağlı olub. Daxil olan zənglərin 53-nü qaldırılan problemlərin həlli ilə bağlı təşəkkür zəngləri təşkil edib.

 

Cağrı Mərkəzi vasitəsilə nazirliyə daxil olan bütün zəng və sorğular çevik şəkildə cavablandırılıb, araşdırma tələb edən şikayət və müraciətlər operativ şəkildə aidiyyəti üzrə nazirliyin müvafiq struktur bölmələrinə yönləndirilib və aparılmış araşdırmaların nəticələri barədə müraciət edən şəxslərə cavab verilib.

Qeyd edək ki, vətəndaşlar Energetika Nazirliyinin fəaliyyət istiqamətlərinə uyğun məsələlərlə bağlı nazirliyin (012) 598-16-55 "Qaynar Xətt” nömrəsinə və "974” qısa nömrəsinə zəng edərək Çağrı Mərkəzinin xidmətlərindən istifadə edə bilərlər.