iPhone 6-nın göstəriləcəyi gün bilindi

“Apple” şirkəti sentyabrın 9-da keçiriləcək tədbirə jurnalistləri dəvət edib. Tədbirdə yeni nəsil iPhone smartfonlarının təqdim ediləcəyi gözlənilir. Bu haqda ağ-boz tonda tərtib edilmiş dəvətdə yazılıb. Tədbir Kupertino şəhərində keçiriləcək və 9 sentyabr tarixində, Bakı vaxtı ilə saat 22:00-da baş tutacaq. 

ANN.Az ICTnews-a istinadən bildirir ki, tədbirdə iki yeni iPhone smartfonu (4.7 və 5.5 dyümlük diaqonala malik ekran) nümayiş etdiriləcək. Şayiələrə görə, qurğuların ekranı sapfir şüşədən hazırlanacaq, yeni smartfonların arxa panelində “Apple”ın işıq saçan loqosunun olacağı, həmçinin, qurğunun NFC modulu ilə təchiz ediləcəyi deyilir.

ANN.Az