Vətən sərhəddən başlayır

"AtaBank" ASC-nin ölkəmizin şimal sərhədində yerləşən "Samur” şöbəsi 24/7 rejimində fəaliyyət göstərməyə başlayıb. Samur sərhəd-keçid məntəqəsinin yaxınlığında yerləşən şöbədə həm fiziki, həm də hüquqi şəxslər bütün bank xidmətlərindən yararlana bilər. Strateji əhəmiyyət daşıyan bu şöbə müştərilərə həftənin 7 günü, günün 24 saatı valyuta mübadiləsi, pul köçürmələri, cari və əmanət hesablarının açılması, kommunal və büdcə ödənişləri kimi bank xidmətləri təklif edir.

Bankın Biznesin İnkişafı departamentinin direktoru Oruc İbrahimov xəbərlə bağlı qeyd edib ki, şöbənin fasiləsiz iş rejiminə keçməsi bu ərazidəki sakinlərə və ölkənin qonaqlarına rahat şəkildə bank xidmətlərini göstərmək məqsədi daşıyır. AtaBank ölkəmizə qonaq gələn və ölkəmizdən xaricə gedən həmvətənlərimizi uzağa getmədən, əlavə vaxt sərf etmədən bank xidmətlərini sürətli və rahat aparmaq üçün "Samur” şöbəsinə dəvət edir.