Gənc sahibkar niyə vergi ödəməlidir ki? – Mikayıl Mirzəzadədən təklif

"Biz "Relax”dan daha çox vergi ödəmişik, lakin qarşılığını onun imkanı qədər almamışıq”.

Gənc sahibkar "Plus Group” və "Hokm.az” informasiya portalının rəhbəri Mikayıl Mirzəzadə büdcədən yayınan kommersiya qurumlarına münasibət bildirərkən qeyd etdi ki, iri sahibkarın əslində bu qədər az vergi ödəməsi sadəcə vergidən yayınmaq deyil, eyni zamanda dövlətə ödənən verginin xərclənməsinə şübhə etmək, şəffaflığa kölgə salmaqdı”.

O bildirdi ki, vergilər məcburi, əvəzsiz və fərdi ödənişlərdi: "17 yaşından sahibkarlıq fəaliyyəti ilə məşğulam və müntəzəm olaraq vergi hesabatlarını təqdim edirik, tam şəffaflıqla vergi ödəyirik, lakin bunun qarşılığında dövlət qurumlarından lazım olan xidmətləri ala bilmirik.

Məsələn, ölkədə təcili xidmətlərdən olan səhiyyə və polis sistemi daxil olan zənglərə vaxtında və operativ cəlb edilmir, bunlardan əlavə bir çox xarici ölkələrdə sahibkarlıq seminar və təlimlərində dünya təcrübəsində də görüdüyümüz kimi, gənc sahibkarlara bir çox imkanlar yaradılır. Şirkətini böyütmək üçün dövlət tərəfindən əvəzsiz olmaqla şirkətə yardımlar olunur, həm də çox cüzi faizlə və uzun müddətli kreditlər təqdim olunmaqla, Bu sahibkarlara stimul verir. Bu gün vergi ödəmək məcburidi, amma qarşılığını heç bir halda gözləmək və almaq mümkün deyil”. O hesab edir ki, Vergilər Nazirliyi hər bir vergi ödəyicisinə daha çox vergi ödəməsi üçün stimullaşdırıcı layihələr etməlidir, maarfiləndirilmə daha çox aparılmalıdır və eyni zamanda dövlət vergi ödəyəcilərinə niyə vergi ödədiklərini əyani sübut etməlidir. Daha çox ödəməsi üçün istər maliyyə yardımı, istərsə də kiçik faizlə və uzun müddətli kreditlər alınmalıdır. Ən yaxın təcrübəni isə Türkiyədən almaq olar ki, istər yeni başlamış şirkətlərə, istərsə də vergisini müntəzəm ödəyən vergi ödəyicilərinə müxtəlif maliyyə yardımları edilir, dövlət tərəfindən əvəzsiz olaraq və dövlət banklarından rahat formada uzun müddətli və az faizlə kredit alınır. Sahibkar stimullaşdırılır şirkəti böyütməyə və daha çox vergi ödəyir.