"Pulu gətir, Polo götür" lotereyasının qalibləri açıqlandı!

Daim müştərilərini maraqlı və faydalı kampaniyalarla sevindirən AccessBank "Pulu gətir, Polo götür" kampaniyası çərçivəsində keçirilən lotereyanın qaliblərini müəyyənləşdirdi.
 
Kampaniyamızın əsas məqsədi əmanətçilərə yalnız faiz gəliri deyil, eyni zamanda avtomobil də qazanmaq imkanı vermək idi. Belə ki, iyunun 18-dən avqustun 31-dək AccessBank-a minimum 5000 manat məbləğində əmanət yatıran müştərilər lotereyada iştirak etmək hüququ qazanmışdı. Lotereyanın əsas uduşu Volkswagen Polo avtomobili idi. Bundan başqa, lotereyada iştirak edən 9 nəfər balansında 500 manat olan MasterCard Black Edition ödəniş kartına sahib çıxdı.
 
AccessBank-ın İdarə Heyəti sədrinin birinci müavini Yevgeniya Qaşikulina: "Kampaniya çərçivəsində AccessBank-da 50 milyon manatdan çox əmanət açılıb. Lotereyada iştirak hüququ qazanan 2000-dən çox müştərimiz ümumilikdə 10000-dək şans əldə etmişdilər. Əsas uduşun sahibi AccessBank ilə 6 ildən çox əməkdaşlıq edən "Binəqədi” filialımızın müştərisi oldu. Biz bütün qalibləri təbrik edirik və onların hər zaman uğur qazanmasını arzulayırıq".
 
Fəaliyyətinin bütün istiqamətlərində şəffaflığı qoruyan AccessBank lotereyanın keçirilməsində də bu prinsipə sadiq qaldı.
 
Komissiyanın sədri, tanınmış iqtisadçı-ekspert Samir Əliyev: "Lotereya tam şəffaf şəkildə keçirildi və komissiya üzvləri tərəfindən heç bir neqativ hala rast gəlinmədi".
 
Lotereyanın nəticələri ilə linkə daxil olarq tanış ola bilərsiniz.