Ölkəyə gətirilən avtomobillərin sayı kəskin azalıb

Bu ilin yanvar-iyul aylarında Azərbaycana 38 338 ədəd avtomobil idxal olunub.“APA-Economics”in Dövlət Gömrük Komitəsinin hesabatına istinadən verdiyi məlumata görə, bu, ötən ilin eyni dövrü ilə müqayisədə 19 920 və ya 34,1% azdır.Ötən ayla müqayisədə isə ölkəyə avtomobil idxalı 3 979 və ya 11,5% artıb.Belə ki, ölkəyə gətirilən avtomobillərin 198 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 34 618 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 3 263 ədədi yük daşımaq üçün motorlu nəqliyyat vasitələri, 259 ədədi isə xüsusi təyinatlı motorlu nəqliyyat vasitələridir.ANN.Az