Səfərbərliyə çağırılanların kreditlərini kim ödəyəcək?
30.09.2020 12:19
Sentyabrın 27-dən cəbhədə yaranan gərginlik sonrası Azərbaycanda qismən səfərbərlik elan edilib. Beləcə yaxın müddətdə təxlis olan hərbi qulluqçular və vaxtilə Silahlı Qüvvələrdə zabit kimi xidmət etmiş vətəndaşlar yenidən ordu sıralarına icbari qaydada cəlb olunur.
Hüquqşünas Xalid Bağırov deyir ki, bu barədə qanunlarda boşluq var. Müqavilə imzalanarkən tərəflər arasında belə bir fors-major hal qeyd edilmədikdə ipoteka krediti ilə ev satan tərəf aylıq pulunu tələb edə bilər. Hətta icbari səfərbərliyə çağırılan şəxs işdən işə gəlmədiyi üçün qovula da bilər.
Mövzu ilə bağlı anews.az Azərbaycan Respublikasının İpoteka və Kredit Zəmanət Fonduna müraciət edib.
Fonddan bildirilib ki, hazırda bununla bağlı bir yekun qərar yoxdur, lakin şikayətlər çox olarsa, bu barədə hər hansısa tədbir görülə bilər .
Milli Məclisin Iqtisadiyyat məsələləri üzrə komitənin üzvü Rüfət Quliyev məsələ ilə bağlı bildirib ki, dövlət səfərbərliyə gedən vətəndaşlara hər zaman dəstək olacaq:
"Mən inanmıram ki, dövlət belə bir hala imkan versin. Kim icazə verər ki, hərbi vəziyyətdə belə addımlar atılsın. Lazım olarsa özüm də dəstəkləyəcəm ki, belə addımlar atılmasın".
O həmçinin qeyd edib ki, bugün Milli Məclisin iclasında səfərbərliklə və şəhidlərin statusu ilə bağlı müzakirələr edilib. Yaxın zamanlarda şəhidlərə tanınan imtiyazlar artırıla bilər.
Hazırladı: Əminə Məmmədova
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
