Bakının mərkəzi küçələrindən biri təmirə bağlanır

 Bu gün Bakının mərkəzi küçələrindən birində nəqliyyatın hərəkəti məhdudlaşdırılacaq.Bunu “APA-Economics”ə Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyev bildirib. Onun sözlərinə görə, bu gecə saat 00:00-dan etibarən paytaxtın Həsən Əliyev küçəsinin Səməd Vurğun küçəsi ilə kəsişməsindən Cəlil Məmmədquluzadə küçəsinədək yol bağlanacaq. P. Mürsəliyev sürücülərdən alternativ yollardan istifadə etməyi məsləhət bilib. Qeyd edilən yol iyunun 6-dan 7-nə keçən gecə bağlanacağı nəzərdə tutulsa da, Bakıda keçirilən ilk buraxılış imtahanları ilə əlaqədar yolun bağlanması təxirə salınıb.ANN.Az