Bu xidmətlərin məbləği təsdiqləndi

Anews.az  xəbər verir ki, bununla bağlı müvafiq sənədi Baş nazir Əli Əsədov imzalayıb.

Sənədə əsasən, baytarlıq xidmətlərinə, o cümlədən, dövlət sifarişi ilə heyvanların planlı profilaktik və məcburi peyvənd edilməsi ilə bağlı həyata keçirilən xidmətlərə, habelə baytarlıq nəzarəti tədbirlərinə  görə alınan xidmət haqlarının məbləği müəyyən edilir. 
Qərarın qüvvəyə minməsi ilə göstərilən baytarlıq xidmətlərinin əhatə dairəsinin genişləndirilməsinə, bu sahədə xidmətlərin keyfiyyətinin yüksəldilməsinə, yeni texnologiyaların və innovasiyaların tətbiqinə, heyvan sağlamlığının daha  effektiv və dayanıqlı qorunmasına, həmçinin, baytarlıq sferasında çalışan əməkdaşların rifahının gücləndirilməsinə şərait yaradacaq.

www.anews.az