Yeni iqtisadi rayonlardan biri də Şərqi Zəngəzur adlandı

Prezident İlham Əliyev Azərbaycanda iqtisadi rayonların yeni bölgüsü haqqında fərman imzalayıb.

Yeni yaradılan iqtisadi rayonlardan biri də Şərqi Zəngəzur iqtisadi rayonudur. Bura Cəbrayıl, Kəlbəcər, Qubadlı, Laçın və Zəngilan rayonları daxildir.

Fərmanda qeyd edilir ki, Zəngəzur dağ silsiləsi ilə əhatə olunan, Laçın və Kəlbəcərdən Naxçıvana qədər böyük bir ərazini tutan Zəngəzur yaylasının şərq hissəsində, Ermənistanla sərhəddə yerləşmiş və eyni coğrafi məkanda, tarixən birlikdə, habelə uzun illər 1861-ci ildə yaradılmış Zəngəzur qəzasının tərkibində olmaları və ənənəvi sosial-iqtisadi, tarixi-mədəni bağlılıqları Zəngilan, Qubadlı, Cəbrayıl, Laçın və Kəlbəcər rayonlarının vahid iqtisadi rayonda birləşdirilməsini zəruri edir.