Azərbaycanda bir sıra otellər ulduzsuz qala bilər

" Bu proses Avropa standartlarına uyğun və ictimai qurumların nəzarəti çərçivəsində keçiriləcək. Pandemiya həm də böyük layihələrin həyata keçirilməsinə təkan verdi. Bu layihələrdən biri otellərin ulduzlaşma prosesidir. İlkin apardığımız monitorinqlərə görə, heç də bütün otellər ulduza layiq deyil. Bakıdakı və eləcə də regionlarda yerləşən iri və orta həcmli otellərin sahibkarları artıq müraciət edib. Biz karantin rejimində sosial məsuliyyəti yüksək nümayiş etdirən otellərə ulduzların verilməsini nəzərdə tuturuq", deyə Quluzadə bildirib.

 

Hazırda Azərbaycanda ümumilikdə, 655 mehmana və mehmanxana tipli müəssisələr var. Onlardan 240-ı Bakı və Abşeronda, 415-i isə bölgələrdə fəaliyyət göstərir.