Azərbaycanda içki istehsalı 9 % artıb

Bu ilin yanvar-iyul aylarında Azərbaycanda 23 milyon 065,6 min dekalitr içki məhsulu istehsal edilib ki, bu da ötən ilin eyni dövrü ilə müqayisədə 8,7 % çoxdur.

Anews.az bu barədə Dövlət Statistika Komitəsinə istinadən xəbər verir.

Hesabat dövründə Azərbaycanda araq istehsalı 852,1 min dekalitr (1 il əvvələ nisbətən 17 % az), konyak istehsalı 12 min dekalitr (11,1 % az), üzüm şərabı istehsalı 429,6 min dekalitr (3,3 dəfə çox), pivə istehsalı 3 milyon 268,1 min dekalitr (1,9 % az), spirtsiz içki istehsalı isə 18 milyon 503,8 min dekalitr (13,3 % çox) təşkil edib.