Azad edilmiş bu ərazilərdə SOCAR-ın yanacaqdoldurma məntəqələri istifadəyə verilib
07.09.2021 13:24
Işğaldan azad edilmiş Ağdamda SOCAR brendli modul tipli yeni yanacaqdoldurma məntəqəsi (YDM) istifadəyə verilib, - bu barədə SOCAR-ın mətbuat xidmətinin rəhbəri İbrahim Əhmədov anews.az-a bildirib.
"YDM-in istifadəyə verilməsi bu gün Qarabağda quruculuq işləri həyata keçirilən bir vaxtda nəqliyyat vasitələrinin fasiləsiz yanacaqla təmin edilməsi üçün olduqca əhəmiyyətlidir".
SOCAR-ın sözçüsünün sözlərinə görə, ehtiyac artdıqca bütün azad olunmuş ərazilərdə insanları yanacaqla təmin etməyə qurum hazırdır.
Modul tipli məntəqədə "A-92” markalı benzin və "dizel” tipli yanacaq məhsullarının satışı həyata keçiriləcək.
Bu ilin yanvarından isə Şuşada da yanacağın səyyar çatdırılmasına başlanılmışdı.
Füzuli hava limanında gedən tikinti işləri ilə bağlı Bakıdan Füzuliyə yük daşınmalarında istifadəyə verilən AZAL şirkətinin təyyarələri SOCAR tərəfindən təmin edilir.
"Füzulidə YDM hələki yoxdur. Təyyarə yanacağına gəldikdə isə, AZAL şirkətini SOCAR yanacaqla təmin edir", - deyə Əhmədov əlavə edib.
Ağdamda istifadəyə verilən yanacaq doldurma məntəqəsi SOCAR-ın sayca 40-cı YDM-dir.
Samirə Əli
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
