Azərbaycanda alternativ enerjinin istifadəsi üçün xarici investorlar cəlb olunub

 

Hazırda Azərbaycanda bərpa olunan enerji mənbələrindən istifadənin genişləndirilməsi işinə xarici investisiyaların cəlbi istiqamətində işlər görülür. Əvvəllər bərpa olunan enerji stansiyaları dövlət hesabına maliyyələşirdisə, hazırda özəl investisiyaların cəlb olunması əsas istiqamətlərdən biridir. Özəl investorlar cəlb olunduqda isə, texniki məsələlər artıq onların məsuliyyətidir.

 

"Ən böyük külək elektrik stansiyası Xızıda yerləşir və Yeni Yaşma külək elektrik stansiyası adlanır. Ümumi qoyuluş gücü 50 meqavat olan stansiyada 20 turbin quraşdırılmışdır. Qobustanda isə günəş, külək və bioenerji stansiyalarını özündə ehtiva edən hibrik elektrik staniya 2011-ci ildən etibarən fəaliyyət göstərir. Adıçəkilən stansiyalar və bir sıra digərləri bu sahədə mütəxəssislərimizin təcrübəsinin artmasına şərait yaratmıdır. Xarici investorlarla bağlı artıq 2 layihəmiz mövcuddur. Acwa Power və Masdar şirkətləri. Acwa Power şirkəti Azərbaycanda öz investisiyası hesabına 240 meqavat gücündə külək elektrik stansiyası inşa edəcək. Masdar 230 meqavat gücündə günəş elektrik stansiyası layihəsini öz investisiyası hesabına reallaşdıracaq".