Azərbaycanda bu hotellərə ulduz verildi- SİYAHI

Azərbaycan Hotel Assosiasiyasının rəsmisi Günay Sağlamın sözlərinə görə,  Milli Ulduz Təsnifatı Prosesində iştirak etmək üçün  43 hotel müraciət edib. Ulduz dərəcələrinin verilməsi üçün hotellər Milli standartlar, Avropa Ulduz Təsnifatı Birliyininin (HSU) meyar kataloqu, keyfiyyətin qiymətləndirmə meyarları və qonaq məmnuniyyət indeksi tələblərinə cavab verməlidir. Daha sonra hotelin ulduzla təsnif olunub-olunmaması üçün 5 üzvdən ibarət Şuradan keçirlər.

Təsnifat prosesindən narazı qalan hotel sahiblərinə apelyasiya komissiyasına müraciət etmək imkanı verilir. "Hələlik heç bir hotel bu komissiyaya müraciət etməyib. Təsnifat müddəti 3 illikdir. Amma bu müddət ərzində də hotellər nəzarətdə saxlanılacaq",  -  deyə Günay Sağlam söyləyib. 

 

Deputat Tahir Mirkişilinin sözlərinə görə, turizmin Azərbaycan iqtisadiyyatında payı 4,3% təşkil edir. 

" Pandemiyadan öncə hədəfimiz turizmçilik sahəsinin ölkə daxili payını 5 faizə çatdırmaq, turizm sahəsində çalışanların sayını 25.000 nəfərdən 50.000 nəfərə çatdırmaq idi. Amma COVID-19 infeksiyasının yaratdığı fəsadlar onu göstərdi ki, gözlədiyimiz hədəf özünü doğrulda bilmədi.
Pandemiyadan öncə turizmçilik sektorunun ölkədə payı 12.3 faiz idisə, pandemiya zamanı bu pay 4.3 faizə düşdü",-deyə deputat əlavə edib.

 

5 ulduz dərəcəsinə Ayan Palace (Tovuz rayonunda yerləşir, 65 otağı var); Baku Marriot Bulvar oteli; Faimont Baku Flame  Tower; Four Seasons Hotel Baku; Hilton Baku; Hyatt Regency Baku; İnter Continental Baku (128 otaqlı oteldir); JW Marriot Absheron Baku; Marxal Resort&Spa (Şəki rayonunda yerləşir); Qalaaltı Hotel&Spa (Şabran  rayonunda yerləşir, 171 otaqlıdır), Quba şəhərinin ən böyük hotellərindən biri Quba Palace Hotel (212 otağa sahib olan), Sheraton Baku İntouris hoteli layiq görülüb.

 

Courtyard by Marriot, Baku Dreamland Golf Hotel, Park İnn Radiason Baku Hotel, The Merchant Baku və Vogue Hotelləri də 4 ulduzla təsnif edilib.