48 mindən çox vergi borcu olan şirkət 111 minlik tenderi uddu

"Masallı Gənclər Evi” Sosial Xidmət Müəssisəsinin keçirdiyi tender müsabiqəsinin qalibi "Cənub-2000” MMC olub.

Təmir işlərinə görə müəssisə MMC-yə 111 min 94 manat 2 qəpik ödəyəcək.

111 min 94 manat 2 qəpik dəyərində tenderin qalibi olan şirkətin nizamnamə kapitalı 10 manatdır. "Cənub-2000” MMC-nin qanuni təmsilçisi Mirzəyev Qadir Nüsrət oğludur. Şirkətin hüquqi ünvanı Masallı rayonu, Şıxlar kəndində yerləşir.

2010-cu ilin 5 iyulundan dövlət qeydiyyatına alınan şirkətin 48 min 250 manat 1 qəpik vergi borcu var.