Bu il Azərbaycan Avtomobil Yolları Agentliyi hansı işləri görüb?-STATİSTİKA

2021- ci ilin yanvar-sentyabrında 16 kəndlərarası avtomobil yolu layihəsinin, Şamaxı və Naftalanın daxili yollarının, Bakı və qəsəbədaxili yolların yenidən qurulması və təmiri işləri davam etdirilib, bu barədə Anews.az Azərbaycan Avtomobil Yollarına istinadən xəbər verir.

M1 Bakı-Quba-Rusiya Federasiyası ilə dövlət sərhədi yeni avtomobil yolunun tikintisi ( 152 km, 4 hərəkət zolaqlı), M2 magistral avtomobil yolunun Gəncə-Gürcüstan Respublikası ilə dövlət sərhədi  hissəsinin 4 zolağa genişləndirilməsi (130.15 km, 4 hərəkət zolaqlı), Xətai "Ağ şəhər" layihəsi və Nobel prospekti üzərində piyada körpüsünün, Muğanlı-İsmayıllı-Qəbələ avtomobil yolunun Ağsu çayı ilə kəsişməsində yeni körpünün, Qaraməryəm-İsmayıllı-Şəki avtomobil yolunun Oğuz-Şəki hissəsinin yenidən qurulması (47.2 km), Ələt-Astara-İran İslam Respublikası  ilə dövlət sərhədi avtomobil yolunun 204-207-ci km-lik hissəsinin və Astaraçay çayı üzərində körpünün, Azərbaycan Respublikasının Rusiya Federasiyası ilə sərhədində Samur və Xanoba keçid məntəqələri arasında uzunluğu 24.5 km olan birinci texniki dərəcəli avtomobil yolunun, Bakı-Böyük Kəsik dəmir yolu xəttinin Tovuzun Rövşən Məmmədov küçəsində avtomobillərin və piyadaların rahat hərəkətini təmin edəcək yeni yol qovşağının, Susay-Xınalıq avtomobil yolunun (34.8 km), Abşeronda yerləşən palçıq vulkanları ətrafındakı müasir turizm infrastrukturuna aparan avtomobil yolunun tikintisi (21 km) işləri davam etdirilib.
 
Bakı və respublikanın digər bölgələrində istifadədə olan avtomobil yollarında, 693 yol nişanı, 6 927 siqnal dirəyi, 2328 p/m əyrixətli tirlər quraşdırılıb, 1301.7  min m2 həcmində yolların boya ilə xətlənməsi işləri yerinə yetirilib.
 
Respublikanın istifadədə olan avtomobil yollarında yol qurğu və elementlərinə ziyan dəyməsi ilə nəticələnən 483 yol-nəqliyyat hadisəsi baş verib, 6 055 p/m əyrixətli tirlər, 65 p/m beton bardür, 177  p/m mühafizə çəpəri, 20  işıq dirəyi, 15 yol nişanı, 4 məlumat lövhəsi, 3 dayanacaq, 18 səsboğucu lövhə, 1 hidravlik baryer və mühərriki, 164 m2 alkapon üzlük, 25 m körpü məhəccəri yararsız hala düşüb.
 
 Yol təsərrüfatına 572.2 min manat məbləğində maddi ziyan dəyib, 405.7 min manatı  (70.9 %) ödənilib, ziyanın qalan hissəsinin ödənilməsi məqsədilə sığorta şirkətlərin, 3 yol nəqliyyat hadisəsi ilə bağlı avtomobillərin sığortası olmadığına görə məhkəmələrə, 56 yol nəqliyyat hadisəsi törətmiş səbəbkar məlum olmadığı üçün, onların tapılması məqsədilə BDYPİ-nə müraciət olunub.


www.anews.az