Texnoparklar Azərbaycana nə verəcək?
29.10.2021 20:24
Rəqəmsal İnkişaf və Nəqliyyat Nazirliyi ilə Türkiyənin sənaye və texnologiyalar Nazirliyi rəsmiləri Azərbaycanda müştərək texnoparkın yaradılması ilə bağlı danışıqlara başlayıb. Bu barədə Rəqəmsal İnkişaf və Nəqliyyat Nazirliyi xəbər verir.
Texnoparklar hər hansı bir biznesə daha rahat başlamaq üçün təşkil olunur. Burada sahibkarların rahat şəkildə istifadə edə biləcəyi avadanlıqlar quraşdırılır. Texnoparklar həmçinin bir və ya bir neçə universitetin elmi-tədqiqat mərkəzləri ilə birbaşa və ya dolayısı ilə əlaqədar olub yüksək texnologiyalara əsaslanan şirkətlərin qurulmasına şərait yaradır.
Ölkəmizdə texnoparklar hansı məqsədlə yaradılır və əhəmiyyəti nə olacaq?
Azərbaycan İnnovasiyaların İxracı Konsorsiumunun icraçı direktoru Fərid Kazımov Milli Elmlər Akademiyasında, Rəqəmsal İnkişaf və Nəqliyyat Nazirliyinin nəzdində müxtəlif növ texnoparkların mövcud olduğunu bildirərək ölkəmizdə bu mövzuda müəyyən qədər işlər görüldüyünü qeyd etdi .
"Yaxın günlərdə bir sıra universitetlərdə də fərqli sahələr üzrə buna bənzər texnoparklar yaradılacaqdır. Bu da sahibkarlara, startapçılara öz bizneslərini inkişaf etdirməyə xeyli kömək edəcək”.
Ekspert mikrosahibkarların biznesə başlayarkən o sahədə kifayət qədər biliklərinin olmamasını diqqətə çatdıraraq sahibkarların düşündüyü ideyanın müştərinin fikirləri ilə uyğun olması, ideya əsasında bazarın həcminin müəyyən edilməsi və digər məsələlərdə çətinlik çəkdiklərini vurğuladı.
"Bunun üçün müəyyən sahələrdə xüsusi bilikləri olan ekspertlərin cəlb olunmasını məqsədəuyğun hesab edirəm. Bunu da könüllülük prinsipi əsasında etmək mümkündür”.
Fidan Salmanova
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
