Vejnəli yatağının fəaliyyətinə icazə verildi

Azərbaycanda fəaliyyət göstərən aparıcı qızıl-mədən şirkətlərindən biri olan "Anglo Asian Mining Plc"yə Zəngilandakı Vejnəli müqavilə sahəsində işlər aparmağa Azərbaycan hökuməti tərəfindən icazə verilib.
 
"Anglo Asian Mining"in baş icraçı direktoru və prezidenti Reza Vəziri də daxil olmaqla şirkət rəhbərliyinin üzvləri dekabrın əvvəlində Vejnəli müqavilə sahəsini, o cümlədən ərazidəki mövcud mədənləri qiymətləndirmək üçün Zəngilana səfər edəcəklər.
 
Bu, qiymətləndirmə mədənin inkişafının ilk mərhələsi olacaq. Şirkət yaxın gələcəkdə Vejnəlidən filizin kəşfiyyatı və emalına başlamağa ümid edir və qiymətləndirmə başa çatdıqdan sonra səhmdarları yeni informasiya verməyi səbirsizliklə gözləyir.
 
2021-ci ilk yarısında "Anglo Asian Mining"in gəlirləri 43,521 mln. ABŞ dolları təşkil edib ki, bu da ötən ilin eyni dövrü ilə müqayisədə 5% azdır. İlin ilk yarısında şirkət " Azərbaycan hökumətinə 7,5 mln. dollar korporativ vergi (hökumətin şirkətin gəlirinə tətbiq etdiyi vergi) ödəyib. Bu ötən ilin eyni dövrü ilə müqayisədə 31,6% çoxdur.

www.anews.az