“Volvo”nun sürücüsüz avtomobilləri İsveçin yollarında

“Volvo” avtokonserni son istehlakçılara əlçatan olan sürücüsüz maşınların istehsalına başlayıb. Hələ ki yalnız 100 avtomobil buraxılıb və maşınların bəziləri mayın əvvəlində İsveçin Qetenborq şəhərinin küçələrində görsənib.

“ICTnews" elektron xəbər xidməti “lookatme.ru” saytına istinadən bildirir ki, sürücüsüz avtomobillərin mövcudluğu yeni xəbər deyil. Belə ki, hələ 2010-cu ildə “Google”un sürücüsüz avtomobilləri haqqında xəbər yayılıb. Amma “Volvo”nun belə nəqliyyat vasitələri adi orta statistik istehlakçı üçün nəzərdə tutulub.

"Bu avtomobillər düz zolaq üzrə hərəkət etməyə, sürət rejiminə riayət etməyə və axınla getməyə qadirdir" – “Volvo”nun texniki mütəxəssisi Erik Koelinx deyib. Layihə “Drive Me” adlanır və son nəticədə  avtomobilin sürücüsüz idarəetməyə keçidini nəzərdə tutur.

ANN.Az