TAP ötürmə qabiliyyəti 12 milyard kubmetrə qədər artırıla bilər

Trans-Adriatik Qaz Boru Kəmərinin (TAP) ötürmə qabiliyyətini yeni boru tikTAP mədən ildə 12 milyard  kubmetrə qədər artırmaq olar, - TAP AG boru kəməri şirkətinin icraçı  direktoru Luka Şieppati bildirib.

"Son üç gün ərzində TAP maksimum gücü ilə işləyir, sutkada 33 milyon kubmetr qaz nəql edir (martda bu göstərici gündəlik 28 milyon kubmetr idi). İllik ifadədə bu, orta hesabla 12 milyard kubmetrə bərabərdir ki, bunun da 10,5 milyard kubmetri İtaliyaya ixrac olunur. TAP vasitəsilə qaz nəqlinin həcmini artırmaq üçün başqa borudan istifadəyə ehtiyac yoxdur, Yunanıstan və Albaniyada kompressor stansiyası qurmaq yetərlidir”, - Şippati Sky TG24 telekanalında çıxışı zamanı bildirib.

O, həmçinin qeyd edib ki, uzunmüddətli hədəf kəmərin ötürmə qabiliyyətini iki dəfə artırmaqdır. "Bu baxımdan, Avropa Komissiyasının və İtaliya hökumətinin dəstəyi vacibdir", -  Şippati deyib.

"TAP kimi qaz kəmərləri indi enerji təhlükəsizliyinin artırılmasına xidmət edir və qazla qarışmış hidrogeni eyni infrastruktur üzərindən nəql etmək qabiliyyətinə görə gələcəkdə də xidmət göstərməyə davam edəcək”, - o əlavə edib.

 Beynəlxalq Enerji Agentliyi (BEA) 2022-ci ildə Trans-Adriatik Qaz Boru Kəməri (TAP) vasitəsilə Azərbaycandan Avropaya qaz ixracının 10 milyard kubmetrə çatacağını proqnozlaşdırır.

Bundan əvvəl TAP AG boru kəməri şirkəti məlumat verib ki, 2020-ci il dekabrın 31-dən 2021-ci il dekabrın 31-dək TAP vasitəsilə Avropaya ixrac edilən Azərbaycan qazının həcmi 8,1 milyard kubmetr təşkil edib. Bu həcmin 6,8 milyard kubmetrdən çoxu İtaliyaya, təxminən 1,2 milyard kubmetri isə Yunanıstan və Bolqarıstana verilib.

Azərbaycan qazının TAP qaz kəməri ilə İtaliya, Yunanıstan və Bolqarıstandakı istehlakçılara ixracı 2020-ci il dekabrın 31-dən başlayıb.

TAP-ın ümumi uzunluğu 878 km-dir ki, bunun da 550 km-i Yunanıstanın şimal hissəsindən, 215 km-i Albaniya ərazisindən, 105 km-i Adriatik dənizindən, 8 km-i isə İtaliya ərazisindən keçir. TAP  Azərbaycan qazının Avropaya nəqli üçün nəzərdə tutulub. 

Qaz kəməri "Şahdəniz" yatağından hasil edilən 10 milyard kubmetr qazn qazın  Yunanıstan və Albaniya ərazisindən keçərək Qərbi Avropaya nəqlini nəzərdə tutur.  Qaz kəmərinin lahihəsi onun ötürmə qabiliyyətini  ildə 20 milyard kubmetrə qədər artırmağa imkan verir.


www.anews.az