Əhalinin xarici valyutada olan bank əmanətləri 15,8% artıb

AMB-nin məlumatına görə, əhalinin xarici valyutada olan bank əmanətləri 15,8% artaraq  4 milyard 387,1 milyon manata çatıb.  Bu da  əhalinin bütün əmanətlərinin 42,3 faizini təşkil edib. 2021-ci ilin sonuna xarici valyutada əmanətlərin xüsusi çəkisi 41% olub. 

Əhalinin milli valyutada əmanətlərinin həcmi 9,8 faiz artaraq 5 milyard 984,9 milyon manata çatıb ki, bu da  bütün əmanətlərin 57,7%-i  təşkil edib.

Rezidentlərin bank depozitlərinin həcmi 9 milyard 649,5 milyon manat, qeyri-rezidentlərin isə 722,5 milyon manat təşkil edib. 2022-ci ilin birinci rübündə rezidentlərin əmanətləri 7,9%, qeyri-rezidentlərin əmanətləri 2,4 dəfə artıb.

Ümumilikdə, 2022-ci il martın 31-nə Azərbaycanda banklardakı əmanət və əmanətlərin həcmi ilk dəfə olaraq 30 milyard manatı  keçərək 30 milyard 508,5 milyon manat təşkil edib . Bu da  2021-ci ilin sonuna olan göstəricidən 5,1% çoxdur.