Türkiyənin inflyasiya proqnozu yüksəldi - Azərbaycana təsiri
28.04.2022 18:11
Türkiyənin Mərkəzi Bank 2022-ci sonunda inflyasiyanı 42,8% səviyyəsində proqnozlaşdırır. Bundan öncə həmin göstəricinin 23,2% olacağı gözlənilirdi. Bunu Mərkəzi Bankın rəhbəri Şahap Kavcıoğlu bildirib.
Türkiyə Statistika İnstitutunun məlumatına görə, 2022-ci ilin yanvarında ölkədə inflyasiya 48,69% təşkil edib ki, bu da son iyirmi ilin ən yüksək göstəricisi olub. Son statistikaya əsasən, martda illik inflyasiya 61,14%-ə kimi yüksəlib.
Türkiyədə qiymətlərin artması Azərbaycana hər hansı təsir edə bilərmi?
İqtisadçı Natiq Cəfərlinin fikrincə, Türkiyədəki qiymət artımı, inflasiyanın sürətlənməsi Azərbaycanla ticarət dövriyyəsində müəyyən təsirləri olur.
"Türk lirəsinin ucuzlaşması səbəbindən Azərbaycana gələn malların qiymətində ucuzlaşma olur. Hələki yüksək tendensiya müşahidə olunmur. Azərbaycana türk mallarının gətirilməsində gömrük ilə bağlı müəyyən problemlər ortaya çıxır. Bir çox məhsullara 15% gömrük rüsumu nəzərdə tutulub. Bütün bunlar azərbaycan bazarında qiymətlərin aşağı düşməsinə imkan vermir", - Cəfərli deyib.
2021-ci il noyabrında türk lirəsi ilin əvvəli ilə müqayisədə təxminən 30 faiz dəyər itirib. Buna Mərkəzi Bankın hazırda 14 faiz olan uçot dərəcəsini aşağı salmasının səbəb olduğu deyilir.
Türkiyə Prezidenti Rəcəb Tayyib Ərdoğan yüksək faiz dərəcələrini inflyasiyanı effektiv şəkildə azaltmağa və lirənin ucuzlaşmasını dayandırmağa mane olan ciddi problem kimi görür. O, Mərkəzi Bankı uçot dərəcəsini endirmədiyinə görə dəfələrlə sərt tənqid edib.
Aytac Zeynalova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
