Azərbaycan əhalisinin neçə faizi internetdən istifadə edir?

Ötən ilin nəticələrinə görə, Azərbaycan əhalisinin 70 faizi internet istifadəçisidir, o cümlədən onların 50 faizi genişzolaqlı internet istifadəçisidir. İnternet qiymətləri ildən-ilə azalır, belə ki, 2004-cü illə müqayisədə 1 Mbit/s sürətli internetə qoşulmanın qiyməti 1200 manatdan 10 manata enib.

Ölkə üzrə genişzolaqlı xidmətlərə qoşulmanın orta qiyməti orta aylıq əməkhaqqının 3%-ni təşkil edir və bu da BTİ-nin inkişaf etməkdə olan ölkələrdə bu nisbətin 2015-ci ilədək 5%-dən az olması hədəfinə artıq nail olunması deməkdir.

Son beş ildə beynəlxalq internet kanalının tutumu 12,9 dəfə artaraq 200 Gbit/s-yə çatıb, internet xidmətləri bazarının həcmi təxminən 4 dəfə artıb.

Bununla yanaşı, mobil şəbəkə genişləndirilib. Respublikada mövcud olan üç mobil operator tərəfindən müasir “3G” xidmətləri göstərilir. 2012-ci ildən ölkəmizdə “4G” texnologiyasının da tətbiqinə başlanılıb. Ölkədə hər 100 nəfərə 110 mobil abunəçi düşür. 

ANN.Az