Neft-qaz gəlirləri Azərbaycan iqtisadiyyatının əsas gəlir sahəsidir - Mikayıl Cabbarov
17.05.2022 11:21
Neft-qaz sektoru Azərbaycan iqtisadiyyatının hələ də əsas gəlir sahəsi olaraq qalmaqdadır. Bunu iqtisadiyyat naziri Mikayıl Cabbarov Azərbaycan-Avropa İttifaqı biznes forumunda deyib.
"Azərbaycanda neft-qaz əsas gəlir sahəsi və ixrac məhsulu olaraq hakim mövqeyini qoruyub saxlayıb. Lakin qeyri-neft sahəsi üzrə ötən illə müqayisədə artım olub. Azərbaycanda cari il 4 ayında qeyri-neft ixracının dəyəri ötən ilin eyni dövrü ilə müqayisədə təxminən 40% çox olub. Avropa İttifaqının Azərbaycana investisiyası 20 milyard ABŞ dollarından çox olub. Bu il də Avropa ilə ticarət dövriyyəsi rekord həddə çatacaq”, - nazir əlavə edib.
Onun sözlərinə görə, son 10 ildə Avropa İttifaqının 700-dən çox şirkəti Azərbaycanda fəaliyyət göstərib.
2022-ci il yanvar-aprelində Azərbaycanda iqtisadi artım 7,2%, qeyri-neft sektoru üzrə artım 11,4% təşkil edib.
Nazir vurğulayıb ki, Azərbaycanda kiçik və orta biznes (KOB) subyektlərinin ümumi daxili məhsulda (ÜDM) payı 60 %-ə çatacaq. Onun sözlərinə görə, 2022-2026-cı illəri əhatə edən Strateji plana uyğun olaraq, Azərbaycanda KOB subyektlərinin məşğulluqda payı 70 %, qeyri neft ixracında payı isə 40% olacaq.
Bu gün Bakıda Azərbaycan-Avropa İttifaqı (Aİ) biznes forumu keçirilir. Tədbirin təşkilatçıları Aİ-nın Azərbaycandakı nümayəndəliyi, Azərbaycan-Fransa Ticarət və Sənaye Palatası, Azərbaycan-İtaliya Ticarət Palatası, İqtisadiyyat Nazirliyi yanında Azərbaycanda İxracın və İnvestisiyaların Təşviqi Agentliyidir (AZPROMO). Biznes forumu Azərbaycanla Aİ arasında iqtisadi əməkdaşlığın genişləndirilməsi, şirkətlər arasında səmərəli əməkdaşlığın qurulması məqsədi daşıyır.
Ləman Qasımova
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
