SOCAR LNG ticarətinin həcmini artırıb

"2022-ci ilin yanvar-aprelində  SOCAR-ın LNG ticarətinin həcmi 2,01 milyard kubmetr təşkil edib ki, bu da ötən ilin analoji dövrünün göstəricisindən 33% çoxdur", - şirkətin  məlumatda deyilir.

SOCAR-ın məlumatına görə, 4 ayda üçüncü ölkələrin neft və neft məhsulları ilə ticarətin həcmi təxminən 14,65 milyon ton təşkil edib.

 

"Hazırda şirkət dünyanın 40 ölkəsində 100-dən çox məntəqəyə "Azeri Light” markalı Azərbaycan neftini və neft məhsullarını ixrac edir, həmçinin üçüncü ölkələrin neft və neft məhsullarının ticarətini uğurla həyata keçirir. Yanvar-apreldə  üçüncü ölkələrin neftilə ticarətin həcmi 13,341 milyon ton, neft məhsulları üzrə 1,306 milyon ton təşkil edib", - şirkət bildirib.

 Azərbaycan Dövlət Neft Şirkətinin ticarət törəmə şirkəti olan "SOCAR Trading SA” beynəlxalq bazarlarda neft, neft məhsulları və qazın satışı ilə məşğuldur. Şirkət 2007-ci ilin dekabrında fəaliyyətə başlayıb. SOCAR Trading SA-nın baş ofisi İsveçrənin Cenevrə şəhərində  yerləşir.