Azərbaycan 2021-ci ildə 19,2 milyard kubmetr qaz ixrac edib
02.06.2022 14:13
TANAP boru xətti ilə qaz ixracını ildə 27 milyard kubmetrə çatdırmağı planlayır. Bunu BP şirkətinin Azərbaycan, Gürcüstan və Türkiyə üzrə regional prezidenti Qeri Cons deyib.
Qeri Consun sözlərinə görə, bunun 9 milyard kubmetrini İtaliyaya yönəltmək nəzərdə tutulub.
"Qaz mənbələrinin genişləndirilməsi və mövcud mənbələrdə hasilatın artırılması üzrə işlər aparılır. Həmçinin Cənub Qaz Dəhlizinin rolu artacaq, ixrac çoxalacaq. Bu hədəflərə çatmaq üçün investisiyaların cəlb olunması üzrə işlər aparırıq. Qarabağda günəş elektrik stansiyalarının tikintisi aparılır.Bundan başqa, Azərbaycanın Xəzər dənizində böyük külək enerjisi potensialı var ki, onu da ixrac etmək mümkündür", - o bildirib.
Azərbaycan 2021-ci ildə 19,2 milyard kubmetr qaz ixrac edib.
TANAP-ın birinci fazası (Gürcüstan-Türkiyə sərhədindən Əskişəhərədək) 2018-ci il iyunun 12-də işə salınıb. Türkiyəyə ilk kommersiya qazının tədarükünə 2018-ci il iyunun 30-dan başlanılıb. 2019-cu il aprelin 15-də TANAP qaz kəmərinin Əskişəhərdən Türkiyə-Yunanıstan sərhədinədək olan hissəsinə qazın sınaq tədarükünə başlanılıb. Həmin ilin iyun ayının 15-də "Şahdəniz” yatağından hasil edilən qaz TANAP ilə Türkiyə-Yunanıstan sərhədinə çatıb.
Ümumi uzunluğu 1,85 min kilometr olan TANAP qaz kəməri "Mərhələ-2” çərçvəsində "Şahdəniz” yatağından hasil edilən Azərbaycan qazının Gürcüstan-Türkiyə sərhədindən Türkiyənin qərb sərhədlərinə qədər nəqli üçün nəzərdə tutulub. Qaz kəmərinin ötürmə qabiliyyəti ən azı 16 milyard kubmetr təşkil edəcək. Bu həcmin 10 milyard kubmetri Avropaya, 6 milyard kubmetri Türkiyənin qərb regionlarına göndəriləcək.
Prezident İlham Əliyev 2018-ci il mayın 29-da Azərbaycan qazının Avropaya nəqli üçün infrastrukturun yaradılmasını nəzərdə tutan Cənub Qaz Dəhlizini işə salıb. Layihənin dəyəri $33 milyard təşkil edib.
CQD layihəsinin əsas komponentləri bunlardır: "Şahdəniz” layihəsi üzrə "Mərhələ-2”, Bakı-Gürcüstan-Türkiyə sərhədi Cənubi Qafqaz boru kəməri magistralının genişləndirilməsi, Türkiyənin şərq sərhədindən qərb sərhədinə qədər Trans-Anadolu qaz kəmərinin (TANAP) və Yunanıstan, Albaniya və Adriatik dənizini birləşdirən Trans-Adriatik qaz kəmərinin (TAP) tikintisi.
Ləman Qasımova
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
