Elektron daşıyıcılar vasitəsilə aparılan əməliyyatların sayı artıb - Zakir Nuriyev
16.06.2022 10:01
Azərbaycanda 2022-ci ilin yanvar-aprelində elektron daşıyıcılar vasitəsilə aparılan bank əməliyyatlarının həcmi ötən ilin uyğun dövrü ilə müqayisə 7% artıb. Bunu Azərbaycan Banklar Assosiasiyasının rəhbəri Zakir Nuriyev "Fintex Summit" Maliyyə və Texnologiyalar Sərgisindəki çıxışında deyib.
Onun sözlərinə görə, 2022-ci ilin 4 ayında aparılan bank əməliyyatların 69%-i elektron daşıyıcılar vasitəsi ilə həyata keçirilib və 6 milyard manata çatıb. 2021-ci ildə bu göstərici 4,3 milyard manat təşkil edib.
"Bu sahədə xüsusilə pandemiyadan sonra canlanma müşahidə olunur. Əgər 2021- ci ildə elektron ödənişlər 4,3 milyard manat təşkil edirdisə bu ilin ancaq ilk 4 ayında bu rəqəm 6 milyard manata çatıb. Cari ildə banklarda aparılan öməliyyatların sayca 75 %-i, həcm baxımından isə 40 %-i nağdsız hesablaşamların payına düşür", - Nuriyev bildirib.
Onun sözlərinə görə, 2022-ci ilin aprelində bank kartlarından elektron ticarətdə istifadə 2,8 dəfə artıb.
"Bu ilin aprelinin sonuna bank kartlarının sayı 2 milyon ədəd yaxud 22 % artaraq 11,9 milyon ədədə çatıb. Nağdsız ödənişlərin genişlənməsinə səbəb ölkədə bu sahədə hüquqi baxımdan şəraitin genişlənməsi olub. Məsafədən bank hesablarının açılmasına şəraitin yaraıdlmasını buna misal gətirmək olar", - Nuriyev vurğulayıb.
N.Təbrizli
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
