Rusiyanın beynəlxalq ehtiyatları 594,6 milyard dollara yüksəlib

Rusiyanın beynəlxalq ehtiyatları iyunun 3-dən iyunun 10-dək 0,6% artaraq 594,6 milyard dollar təşkil edib. Bu barədə Mərkəzi Bankın saytı xəbər verib.

Beynəlxalq ehtiyatlar 10 iyun tarixinə müsbət yenidən qiymətləndirmə nəticəsində həftə ərzində 3,3 milyard dollar və ya 0,6% artaraq 594,6 milyard dollar təşkil edib.

Əvvəllər Rusiya Bankı ölkə iqtisadiyyatında vəziyyətin müsbətə doğru inkişaf edəcəyi təqdirdə əsas uçot dərəcəsinin daha da aşağı salınmasına icazə verib. Bu barədə Rusiya Bankı sədrinin birinci müavini Vladimir Çistyuxin Sberbank-ın SPİEF-2022 çərçivəsində "Rusiya maliyyə sektoru yeni şəraitdə” adlı sessiyasında bildirib.

O əlavə edib ki, makroiqtisadi sabitlik üçün Rusiya iqtisadiyyatı üçün aşağı inflyasiya lazımdır.


Roskonqres Fondunun təşkilatçılığı ilə Sankt-Peterburq Beynəlxalq İqtisadi Forumu iyunun 15-dən 18-dək keçirilir.

www.anews.az