TRACECA nəqliyyat dəhlizi ilə yükdaşımalar 6,7% artıb
17.06.2022 17:41
2022-ci ilin birinci rübündə Avropa-Qafqaz-Asiya (TRACECA) nəqliyyat dəhlizinin Azərbaycan hissəsində yük dövriyyəsi ötən ilin eyni dövrü ilə müqayisədə 6,3% artaraq 2557,7 milyon ton-kilometr olub. Bu barədə Azərbaycan Dövlət Statistika Komitəsinin rəsmi saytı məlumat yayıb.
Yük daşınmasında əvvəlki ilin uyğun dövrü ilə müqayisədə müvafiq olaraq yüklərin həcmi 6,7 faiz artaraq 10858,3 min ton təşkil edib.
Statistika Komitəsi bildirir ki, yüklərin 6115,1 min tonu və ya 56,3%-i avtomobil nəqliyyatı, 3507,0 min tonu və ya 32,3%-i dəmir yolu nəqliyyatı, 1236,2 min tonu və ya 11,4%-i dəniz nəqliyyatı ilə daşınıb.
Dəhliz vasitəsilə daşınan yüklərin 23,8 faizini və ya 2585,3 min tonunu tranzit yüklər təşkil edib.
Avropa-Qafqaz-Asiya Nəqliyyat Dəhlizi (ТRACECA - Transport Corridor Europe -Caucasus-Asia) - Müstəqil Dövlətlər Birliyinə göstərilən texniki yardım (TASİS) çərçivəsində xüsusi bir layihədir. O, Avropa İttifaqının dəstəyi ilə həyata keçirilir. Layihə 1993-cü ilin mayında Brüsseldə keçirilən konfransda 8 ölkənin (5 Mərkəzi Asiya və 3 Qafqaz respublikası) iştirakı ilə qəbul edilib.
Ləman Qasımova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
