Azərbaycan Avropaya qaz ixracını artıracaq - İlham Əliyev
02.09.2022 13:31
Trans Adriatik Boru (TAP) kəməri istifadəyə veriləndən ötən müddət ərzində Azərbaycan Avropaya 13,5 milyard kubmetr qaz ixrac edib, bunun da 11,7 milyard kubmetri İtaliyanın payına düşür. Bunu prezident İlham Əliyev İtaliyada keçirilən 48-ci beynəlxalq Çernobbio Forumunda "Enerji təhlükəsizliyinin təmin olunmasında Azərbaycanın rolu” mövzusunda çıxışı zamanı deyib.
"Bu il biz qazın həcmini daha da artırmağı və İtaliya bazarına 10 milyard kubmetrə yaxın qaz ixrac etməyi planlaşdırırıq”, - deyə Azərbaycan Prezidenti qeyd edib.
Hazırda Azərbaycan Türkiyə, Gürcüstan, eləcə də Avropa İttifaqının 3 ölkəsinə - Yunanıstan, Bolqarıstan və İtaliyaya qaz ixrac edir. .
Azərbaycan 2022-ci ildə qaz ixracını keçən ilki 22 milyard kubmetrdən 24 milyard kubmetrə çatdırmağı planlaşdırır. Ölkə Avropaya 10 kubmetr qaz ixrac etməyi planlaşdırır.
Hökumətin proqnozlarına görə, 2026-cı ilə qədər Azərbaycanın qaz hasilatı ildə 50 milyard kubmetrə çatmalıdır. Azərbaycan qaz hasilatını "Abşeron", "Ümid" və "Şahdəniz" yatağının istismarının üçüncü fazası hesabına artırmaq niyyətindədir.
TAP qaz kəmərinin ümumi uzunluğu 878 kilometrdir. Bunun da 550 kilometri Yunanıstanın şimal hissəsindən, 215 kilometri Albaniya, 105 kilometri Adriatik dənizindən və 8 kilometri İtaliya ərazisindən keçir. TAP Cənubi Qafqaz Qaz kəməri layihəsinin sonuncu komponentidir.
Qaz kəməri "Şahdəniz” yatağının işlənməsinin 2-ci mərhələsi çərçivəsində Avropaya ildə 10 milyard kubmetr təbii qazın nəqli üçün nəzərdə tutulub. Qaz kəmərinin ötürmə qabiliyyəti onu iki dəfə - ildə 20 milyard kubmetrə qədər artırmağa imkan verir.
N.Təbrizli
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
