SOCAR-da kadr təyinatı
07.09.2022 15:58
SOCAR-ın iqtisadi məsələlər üzrə vitse-prezidenti Süleyman Qasımov Türkiyənin "Petkim” neft-kimya kompleksinin (səhmlərin 51%-nə nəzarət SOCAR-dadır) Direktorlar Şurasının yeni sədri təyin edilib. Bununla bağlı "Petkim” Türkiyənin İctimaiyyəti Məlumatlandırma Platformasında xəbər yerləşdirib.
İndiyədək bu vəzifəni 2022-ci il fevralın 10-dək SOCAR-ın prezidenti olmuş Rövnəq Abdullayev icra edirdi.
Ümumilikdə "Petkim”in İdarə Heyətinin tərkibi tamamilə yenilənib. Eyni zamanda Şura üzvlərinin sayı 8-dən 9-a kimi artıb.
Zaur Qurbanov (SOCAR-ın vitse-prezidenti) Direktorlar Şurası sədrinin müavini təyin edilib.
3 aprel 1965-ci ildə təsis edilən Petkim Petrokimya Holdinq Türkiyənin aparıcı neft-kimya kompleksidir. Kompleksdə etilen, polietilen, polivinilxlorid, polipropilen və digər neft-kimya məhsulları istehsal olunur ki, bunlardan plastik, toxuculuq və digər istehlak və sənaye məhsullarının istehsalında istifadə olunur.
Petkim səhmləri İstanbul Fond Birjasında yerləşdirilib.
N.Təbrizli
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
