Şimal-cənub dəhlizi ilə yük daşımaları artıb

Şimal-Cənub nəqliyyat dəhlizi layihəsi üzrə yük daşımaları 2022-ci ilin yanvar -avqustunda 47 faiz artıb. Bunu Azərbaycan baş nazirin müavini Şahin Mustafayev cümə günü Bakıda Şimalın inkişafı üzrə Azərbaycan-Rusiya-İran formatında ilk üçtərəfli görüşdə bildirib. 


"Bu ilin cəmi 8 ayında tranzit daşımaların artımı 47% təşkil edib. Şimal-Cənub nəqliyyat dəhlizi layihəsinə gəlincə, bu, həm də böyük potensiala malik olduğundan çox vacibdir. Xüsusilə, bu layihə Baltikyanı ölkələrə, Fars körfəzinə və Aralıq dənizinə malların çatdırılmasına imkan verəcək”, -  Mustafayev bildirib. 


Baş nazirin müavini qeyd edib ki, bu nəqliyyat dəhlizinin inkişafı üçün keçid məntəqələrini genişləndirmək, yükdaşıma tariflərini və həcmlərini müəyyən etmək lazımdır.


Onun sözlərinə görə, bu kontekstdə Azərbaycan ən müasir texnologiyalardan istifadə etməklə ölkənin dəmir yolu şəbəkəsini fəal şəkildə inkişaf etdirir. Həmçinin, Ələt limanı vasitəsilə yüklərin daşınması imkanlarının ildə 25 milyon tona, konteyner terminalının isə 500 min tona çatdırılması üçün layihə hazırlanır.


N.Təbrizli 



www.anews.az