Anglo Asian Mining şirkəti hasilatı azaldıb

Bu ilin yanvar-sentyabrında şirkət Azərbaycanda 31,993 min unsiya qızıl (azalma 13,8%), 1,892 min ton mis (azalma 0,7%), 144,562 unsiya gümüş (24,8% artım) hasil edib. 

Hesabat dövründə şirkət Gədəbəy yatağından dore ərintisindən 29,573 min unsiya qızıl (azalma 7%), 22,143 min unsiya gümüş (artım 35,8%) əldə edib.

Yanvar-sentyabrda dünya bazarlarında  21,273 min unsiya qızıl külçəsi satılıb (azalma 19,5%).

2022-ci ilin yanvar-sentyabrında şirkət 10,215 min ton mis konsentratı istehsal edib (artım 12,1%), onun 7,837 min tonunu dünya bazarlarında (artım 11,7%) 14,573 milyon dollara (azalma) satıb. 

AAM-ın məlumatına görə, 30 sentyabr 2022-ci il tarixinə şirkətin sərbəst pul ehtiyatları 30 iyun tarixinə olan 21,1 milyon dollarldan 15,3 milyon dollar kimi azalıb. 

Qızıl hasilatı üzrə PSA müqaviləsi 1997-ci il avqustun 21-də imzalanıb və 6 yatağın işlənməsini nəzərdə tutub. Müqavilədə Azərbaycanın payı 51%, Anglo Asian Mining PLC - 49% təşkil edir.

2021-ci ilin sentyabrında imzalanmış yeni müqaviləyə əsasən, şirkət sərəncamına üç yeni müqavilə bloku alıb və birindən imtina edib. Beləliklə, hazırda şirkət Azərbaycanda 8 müqavilə sahəsinin işlənməsi hüququna malikdir.

Gədəbəy yatağından ilk qızılın hasilatına 2009-cu ildə, gümüşün çıxarılması isə 2010-cu ildə başlanılıb. 2013-cü ilin sentyabrında şirkət Qoşa müqavilə sahəsinin işlənməsinə başlayıb. 

Hazırda Anglo Asian Mining Gədəbəy və Qoşa müqavilə sahələrindən qiymətli metalların hasilatı ilə məşğuldur.