Türkiyə Putinin qaz qovşağı yaratmaq təklifinə maraq göstərib - Peskov

"Türkiyə tərəfi prezident Putinin bu təşəbbüsünə kifayət qədər maraq göstərərək reaksiya göstərdi və prezidentlər bu məsələni çox tez bir zamanda həll etməyi tapşırıblar", - Peskov Putin və Ərdoğan arasında Astanada keçirilən danışıqların yekunu üzrə bildirib.

Rusiya prezidenti Vladimir Putin Türkiyə prezidenti Rəcəb Tayyib Ərdoğanla görüşündə bildirib ki, Türkiyədə qaz qovşağı yaradılarsa, bu qovşaq qazın qiymətinin müəyyən ediləcəyi platformaya çevrilə bilər.

"Dünən Enerji həftəsində sizin energetika naziriniz, "Botaş”ın rəhbəri ilə məsləhətləşmələrdən sonra biz "Qazprom”la razılaşdıq. Mən bunu açıq şəkildə dedim. Əgər Türkiyəyə və başqa ölkələrdəki potensial alıcılarımızın marağı olarsa, başqa bir layihənin tikintisini nəzərdən keçirə bilərik. Qazın üçüncü ölkələrə, ilk növbədə, təbii ki, Avropa ölkələrinə satışı üçün Türkiyə ərazisində qaz qovşağının yaradılması mümkündür”, - Putin deyib. 

O əlavə edib ki,  bu mərkəz təkcə ixrack üçün deyil, həm də qiymətlərin müəyyən edilməsi üçün bir platforma ola bilər və  bu, çox vacib məsələdir.