SOCAR Azərbaycanın ən böyük qeyri neft ixracatçısıdır

2022-ci ilin yanvar-sentyabrında 20 iri dövlət və özəl şirkət tərəfindən Azərbaycandan qeyri-neft məhsullarının ixracının ümumi həcmi 1 milyard 264,5 milyon ABŞ dolları təşkil edib.

Dövlət şirkətləri arasında Azərbaycandan qeyri-neft məhsullarının ən böyük ixracatçısı SOCAR-ın Marketinq və İqtisadi Əməliyyatlar Departamenti (UMEO) 453,7 milyon dollar, özəl şirkətlər arasında isə MKT İstehsalat olub. "Kommersiya” MMC-nin ixracı isə  95,8 milyon dollar təşkil edib. 

Dövlət şirkətləri arasında ən böyük qeyri-neft ixracatçıları  - SOCAR Polymer (146,3 milyon dollar), "Azəralüminium” MMC (102,2 milyon dollar), "AzerGold” QSC (73,5 milyon dollar), "Azərpambıq Aqrar Sənaye Kompleksi” MMC (50, 5 milyon dollar), "Azərenerji” ASC (35,7 milyon dollar), "Azərbaycan Hava Yolları” QSC (6,1 milyon dollar), "Azəripək” MMC (1,3 milyon dollar), Geologiya və Geofizika İdarəsi (0,8 milyon dollar), Naxçıvan Muxtar Respublikasının Dövlət Energetika Xidmətidir (0,7 milyon dollar).

Qeyri-neft məhsulları ixrac edən ən iri özəl şirkətlər isə  Azərbaycan Beynəlxalq Mədən Şirkəti (Anglo Asian Mining Plc-nin törəmə müəssisəsi) - 76,4 milyon dollar, Baku Steel Company MMC - 31,1 milyon dollar, Mors Trading MMC - 29,2 milyon dollar, Almeyve MMC - 28,4 milyon dollar, STP Azeraluminium MMC - 28,2 milyon dollar, Şirinov Elvin Valeh oğlu - 27,8 milyon dollar, "P-Aqro" MMC - 27,8 milyon dollar, fiziki şəxs , "Roze Servis" MMC - 25,3 milyon dollar, "Şimal Aqropark" MMCdir - 23,7 milyon dollar.

2022-ci ilin yanvar-sentyabr aylarında Azərbaycandan 2,1 milyard ABŞ dolları dəyərində qeyri-neft məhsulları ixrac olunub (2021-ci ilin yanvar-sentyabr aylarından +17%).