Bakı Zəngəzur enerji dəhlizinin yaradılması üzrə işlərə başlayıb

"Zəngəzur dəhlizi təkcə nəqliyyat kommunikasiyaları vasitəsilə deyil, həm də enerji baxımından Avropanı Asiya ilə birləşdirməyə qadirdir. Zəngəzur dəhlizi-Naxçıvan Muxtar Respublikası-Türkiyə-Avropa marşrutu yaşıl elektrik enerjisinin ixracına imkan verəcək. Biz artıq bu istiqamətdə işə başlamışıq”, - deyə Şahbazov  bildirib.

Nazir vurğulayıb ki, bu kontekstdə Cəbrayılda beynəlxalq enerji qovşağının yaradılması "mühüm strateji hadisədir”.

Azərbaycan hökuməti Azərbaycan-Türkiyə-Avropa enerji dəhlizinin yaradılmasını 2027-ci ilə qədər başa çatdırmağı planlaşdırır. Layihənin üç mərhələdə həyata keçirilməsi nəzərdə tutulub.

Azərbaycan 2021-ci ildə təxminən 1,7 GVt/saat elektrik enerjisi ixrac edib. Eyni zamanda, hökumət ixracın həcmini 5 GVt/saata çatdırmağı planlaşdırır. Enerjinin  əsas alıcılarının Avropa ölkələrinin olacağı nəzərdə tutulub.