Azərbaycan BTC ilə neft ixracını artırıb
16.11.2022 15:56
2022-ci ilin yanvar-oktyabrında Bakı-Tbilisi-Ceyhan (BTC) boru kəməri ilə nəql edilən neftin həcmi 24 milyon 428,1 min ton təşkil edib ki, bu da ötən ilin analoji dövrünün göstəricisindən 12,2% çoxdur. Bu barədə Dövlət Statistika Komitəsi məlumat verib.
2022-ci ilin yanvar-oktyabrında Azərbaycanın magistral neft kəmərləri ilə nəql olunmuş neftin ümumi həcminin 78,8 faizi BTC neft kəməri ilə vurulub.
2022-ci ilin yanvar-oktyabrında BTC ilə tranzit neftin vurulması 4 milyon 131,1 min ton (artım 46,8%) təşkil edib.
Hazırda BTC neft kəməri ilə "Azəri-Çıraq-Günəşli” yataqlar blokundan neft və "Şahdəniz” yatağından hasil edilən kondensat, həmçinin SOCAR nefti ixrac edilir. BTC həmçinin Xəzər dənizi regionunun bir sıra digər ölkələrindən də neft nəql edir.
BTC neft kəmərinin uzunluğu 1768 min km-dir ki, bunun 443 km-i Azərbaycanda, 249 km-i Gürcüstanda, 1076 km-i Türkiyədən keçir. Kəmərin ötürmə qabiliyyəti ildə 50 milyon tondan artıq təşkil edir. .
Layihə iştirakçıları - BP (30,1%); SOCAR (25%); MOL (8,9%); Equinor (8,71%); TPAO (6,53%); ENI (5%); Itochu (3,4%); ExxonMobil (2,5%); INPEX (2,5%), TotalEnergies (5%) və ONGC (2,36%) şirkətləridir.
2021-ci ildə BTC ilə vurulan neftin həcmi 26 milyon 421,5 min ton təşkil edib ki, bu da 2020-ci illə müqayisədə 3,9% azdır.
N.Təbrizli
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
