Azərbaycan Dövlət Sosial Müdafiə Fonduna büdcə transferləri azalıb - VİDEO

Azərbaycan Dövlət Sosial Müdafiə Fonduna dövlət büdcəsindən edilən transferlərin payı son bir ildə 38%-dən 21%-ə düşüb. Bunu Əmək və Əhalinin Sosial müdafiəsi naziri Sahil Babayev bildirib. 

 

"Sosial  Müdafiə Fondunun icrasına baxsaq görərik ki, son illər özəl sektordan köçürmələr artıb, büdcə seqmentindən daxil olmalar isə azalıb. Bir il bundan qabaq fondda büdcə seqmentinin payı 38% idisə  cari ildə bu rəqəm 21%-ə kimi enəcək", - Sahil Babayev Milli Məclisin plenar icasında 2023-cü il üçün  Dövlət Büdcəsi qanun layihəsinin ikinci oxunuşda müzakirəsi zamanı söyləyib. 

 

Onun sözlərinə görə, dövlət büdcəsindən fonda daxiolmalar 10% azalıb, özəl sektorun payı isə ümumi gəlirlərin 50%-ə bərabərdir.  

 

Azərbaycanda yalnız bir sosial müdafiə fondu fəaliyyət göstərir. O da dövlətin nəzarətindən olan  Azərbaycan Dövlət Sosial Müdafiə Fondudur. 

 

Azərbaycanda özəl Sosial müdafiə fondları yaradılmayıb.