Bakıda ətin qiyməti 38% artıb - millət vəkili
01.12.2022 13:28
Son iki ayda Bakıda ətin qiyməti 38% bahalaşıb. Bu barədə millət vəkili Elnur Allahverdiyev şəxsi müşahisələrinə əsaslanaraq məlumat verib.
"Son iki ayda qoyun ətinin 1 kiloqramının qiyməti əvvəlcə 13 manatdan 15, daha sonra isə 18 manata kimi artıb. Bunun səbəblərini araşdırmaq üçün metodologiya hazırlanmalıdır", - Alalhverdiyev üzvü olduğu Milli Məclisin İqtisadi siyasət, sənaye və sahibkarlıq komitəsinin iclasında bildirib.
Onun sözlərinə görə, Azərbaycanın bölgələrində ətin qiyməti baha deyil. Məsələn, Ağcabədidə ətin topdan satış qiyməti 8 manat, pərakəndə satış qiyməti isə 11 manatdır.
"Ət bölgələrdən paytaxta gələnə qədər nə üçün bu qədər bahalaşır. Bəlkə ölkə daxilində bir rüsum sistemi işləyir? Bu araşdırılmalı və qarşısının alınması üçün metodologiya işlənməlidir", - Allahverdiyev bildirib.
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin şöbə müdiri Elmir Bağırov isə bildirir ki, ətin qiyməti sahibkarlar tərəfindən müəyyən edilir, dövlət bu işə müdaxilə etmir.
"Ət və ət məhsullarınin qiymətləri Tarif Şurası tərəfindn tənzimlənmir. Ətin qiymətinin fərqli olması iqtisadi amillər ilə bağlıdır. Bura nəqliyyat xərcləri də təsir edir. Ətin icarət şəbəkələrinə daşınması və digər xərclər ətin qiymətinin üstünə əlavə olunur", - Elmir Bağırov bildirib.
Onun fikrincə "Daxili ticarət haqqında” qanun layihəsi təchizatçılar və ticarət şəbəkələri arasında münasibətləri tənzimləyəcək və qiymətlərə müsbət təsir edəcəkdir.
O həmçinin Rusiyadan mal ətinin bir kiloqramının qiyməti 3,2 ABŞ dollarına alınsa da bazarda satış qiyməti qat-qat bahadır.
Dövlət Statistika Komitəsinin məlumatına görə, 2023-cü ilin oktyabrında sentyabrı ilə müqayisədə ət və ət məjsullarının qiyməti 2,8% artıb. Ümumilikdə isə ərzaq məhsullarının qiyməti son bir ayda 2,2% artıb.
N.Təbrizli
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
