Aİ Rusiya neftinin qiymətinin yuxarı həddi ilə bağlı razılığa gələ bilmədi
01.12.2022 17:14
Rusiya neftinin qiymətinin yuxarı həddi ilə bağlı razılıq hələ əldə olunmayıb. Bu barədə Avropa Komissiyasının (AK) nümayəndəsi Tim Makfi bildirib.
Onun sözlərinə görə Aİ G7-dəki tərəfdaşları ilə işləməyə davam edir.
Aİ neft üçün dekabrın 5-dən, neft məhsulları üçün isə 2023-cü il fevralın 5-dən qiymət tavanının tətbiqini təklif edir.
Rusiya xəbərdarlıq edib ki, qiymət tavanı tətbiq edən ölkələr Rusiya neftindən məhrum olacaq. Prezident Vladimir Putin bununla bağlı bildirib ki, əgər bu, onun maraqlarına ziddirsə, Rusiya xaricə heç nə vermək niyyətində deyil.
Oktyabrın 6-da Aİ Rusiya neftinin qiymət tavanından yuxarı üçüncü ölkələrə daşınmasına qadağa, eləcə də müvafiq xidmətlərə qadağa qoyulmasını nəzərdə tutan yeni sanksiyalar paketi təqdim edib.
Eyni zamanda, Aİ-də qiymət tavanının müəyyən edilməsi üçün hər dəfə Aİ Şurasının mandatı (birliyin bütün ölkələri tərəfindən qərarın yekdilliklə təsdiqlənməsi) tələb olunur. Bu o deməkdir ki, Aİ-nin istənilən dövləti Rusiya neftinə yeni qiymət həddini təyin etmək üçün veto hüququndan istifadə edə bilər.
Baş nazirin müavini Aleksandr Novak qeyd edib ki, Rusiya yalnız bazar şəraitində işləməyə hazır olan istehlakçılarla əməkdaşlığı davam etdirəcək.
Gülnar Nazimqızı
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
