Azərbaycan iqtisadiyyatı 4,8% artıb

2022-ci ilin yanvar-noyabrında  Azərbaycanda ÜDM istehsalı 4,8% artıb, bu barədə Dövlət Statistika Komitəsi məlumat verib. 

Qeyri-neft-qaz sektorunda artım 9,2 faiz, neft-qaz sektorunda azalma 2,4 faiz təşkil edib. 

Rəsmi statistikaya görə, 11 ayda Azərbaycanda ÜDM-in nominal həcmi 121,4 milyard manat təşkil edib.

ÜDM-in strukturunda sənayenin payı  52,7 faiz, ticarət və nəqliyyat vasitələrinin təmiri 8 faiz, nəqliyyat və anbar təsərrüfatı 5,9 faiz, kənd və meşə təsərrüfatı, balıqçılıq 5 faiz, tikinti 3,8 faiz, turistlərin yerləşdirilməsi və ictimai iaşə obyektlərinin fəaliyyəti 1,5%, informasiya və rabitə sektoru  - 1,3%, digər sektorlar isə  14,3% təşkil edib. 

Vergilərin ÜDM-də payı 7,5% olub. 

2022-ci ilin yanvar-noyabrında adambaşına düşən ÜDM 12 min 64,2 manat təşkil edib.

Azərbaycan hökuməti 2022-ci il üçün ÜDM artımını 3,5%, nominal həcmini isə 130 milyard manat səviyyəsində proqnozlaşdırır.

2021-ci ildə Azərbaycanda ÜDM artımı 5,6% təşkil edib.