Səudiyə Ərəbistanı Azərbaycanla bağlı yeni maraqlarını açıqlayıb
19.12.2022 11:30
Səudiyyə Ərəbistanı Azərbaycanın elektrik enerjisi istehsalı layihələrində iştirakda və onun sonradan Avropaya ixracında maraqlıdır. Bu barədə Səudiyyə Ərəbistanının investisiya naziri Xalid əl-Falih bildirib.
"Biz Azərbaycandan Avropaya elektrik enerjisinin ixracı prosesində iştirak etmək istərdik. Şirkətimiz - ACWA Power - Azərbaycanda 240 MVt gücündə külək elektrik stansiyasının tikintisi layihəsində iştirak edir. ACWA Power bu zavodun tikintisinə 300 milyon dollar sərmayə qoyacaq. Amma biz Azərbaycanda bir neçə gigavatlıq elektrik stansiyasının tikintisi layihələrini həyata keçirə bilərik”, - Əl-Falih bazar ertəsi Bakıda Azərbaycan-Səudiyyə Ərəbistanı iqtisadi əməkdaşlıq üzrə hökumətlərarası komissiyanın iclasında bildirib.
ACWA Power Azərbaycanda 500 MVt gücündə dəniz külək stansiyalarının tikintisinə də maraq göstərir.
Bundan əvvəl Azərbaycan hökuməti bərpaolunan enerji mənbələri (RES) sahəsində layihələrin icrasında maraqlı olduğunu bildirib. Azərbaycan elektrik enerjisinə olan daxili tələbatın ödənilməsi və onun Avropaya ixracı üçün günəş və külək elektrik stansiyalarının tikintisi üzrə layihələrin həyata keçirilməsinə dair iddialı planlarının olduğunu açıqlayıb.
N.Təbrizli
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
