2022-ci ildə əsas kapitala 5,5 faizdən çox vəsait yönəlib
17.01.2023 13:11
Azərbaycanda 2022-ci ildə əsas kapitala 5,5 faiz çox vəsait yönəlib. Bu barədə Dövlət Statistika Komitəsi məlumat yayıb.
Bildirilib ki, əsas kapitala yönəldilmiş vəsaitlərin 13461,5 milyon manatı bilavasitə tikinti-quraşdırma işlərinin yerinə yetirilməsinə sərf olunub.
Məlumata görə, neft-qaz sektoruna yatırılmış investisiyaların həcmi 9,8 faiz azalıb, qeyri neft-qaz sektoruna yönəldilən vəsaitin həcmi isə 13,6 faiz artıb.
İstifadə olunmuş vəsaitin 10611,3 milyon manatı məhsul istehsalı sahələrinə, 6735,6 milyon manatı xidmət sahələrinə, 925,4 milyon manatı isə yaşayış evlərinin tikintisinə sərf olunub.
Əsas kapitala yönəldilmiş vəsaitin ümumi dəyərində müəssisə və təşkilatların vəsaitləri 49,3 faiz, büdcə vəsaitləri 36,4 faiz, əhalinin şəxsi vəsaitləri 6,7 faiz, bank kreditləri 2,6 faiz, sair vəsaitlər isə 5,0 faiz təşkil edib.
Aytac Zeynalova
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
